Eins og vonandi hefur ekki farið framhjá neinum þá stendur Krabbameinsfélagið fyrir átaki í mars undir yfirskriftinni "Mottumars". Þetta er söfnunarátak til styrktar körlum og krabbameini.
Karlmenn í Kjörís ætla svo sannarlega ekki að láta sitt eftir liggja og hefur fjöldi karla þegar hafið söfnun á mottu.
Þeir hafa skráð sig sem lið í söfnunina og einnig sem einstaklinga.
Í næstu viku verður motta dagsins kynnt hér á síðunni.
Eins og sjá má á meðfylgjandi mynd er árangurinn af mottusöfnuninni misjafn. Sumir eru nú þegar komnir með myndarlega mottu en hjá öðrum lætur vöxturinn eitthvað bíða eftir sér.